cedro
select
    síguenos  siguenos

FAQs

/ NÓS / FAQs
Enviar Compartir Imprimir
Que é CEDRO?

O Centro Español de Dereitos Reprográficos (CEDRO) é a asociación sen ánimo de lucro que representa e defende colectivamente os dereitos de propiedade intelectual de carácter patrimonial dos autores e editores de obras textuais protexidas (libros, revistas, partituras musicais e xornais).
É CEDRO un organismo público?


Non, non somos un organismo público, a nosa natureza é privada: somos unha asociación sen ánimo de lucro de autores e editores, recoñecida polo Ministerio de Cultura en 1988 como entidade de xestión colectiva de dereitos de autor.

Que é unha entidade de xestión colectiva de propiedade intelectual?


As entidades de xestión colectiva de dereitos de propiedade intelectual son, de acordo coa definición empregada polo Ministerio de Cultura na súa páxina web, “organizacións privadas de base asociativa e natureza non lucrativa que se dedican en nome propio ou alleo á xestión de dereitos de propiedade intelectual de carácter patrimonial por conta dos seus lexítimos titulares”.

Para actuar como tales, estas entidades requiren da autorización do Ministerio de Cultura, en virtude do disposto na vixente Lei de propiedade intelectual.

Que funcións teñen as entidades de xestión?

Estas entidades xestionan dereitos de propiedade intelectual, ben de forma delegada polos seus lexítimos titulares, ou ben por mandato legal (dereitos de xestión colectiva obrigatoria), de acordo coa lexislación vixente e cos seus estatutos. Ademais, perseguen as violacións destes dereitos mediante un control das utilizacións, fixan unha remuneración adecuada ao tipo de explotación que se leve a cabo de cada obra e perciben esa remuneración en virtude do que se acordase, para a súa posterior distribución.

CEDRO depende do Ministerio de Cultura?

Non, somos unha entidade independente, con personalidade xurídica propia como asociación sen ánimo de lucro de autores e editores. Non obstante, a xestión que desenvolvemos está suxeita ao control do Ministerio de Cultura, en canto ao cumprimento das obrigas e requisitos que establece a Lei de propiedade intelectual para este tipo de entidades.