O Centro Español de Dereitos Reprográficos (CEDRO) é a asociación sen ánimo de lucro de autores e editores de libros, revistas e outras publicacións, editadas en calquera medio e soporte, que se encarga de defender e xestionar de forma colectiva os seus dereitos de propiedade intelectual de tipo patrimonial (reprodución, transformación, comunicación pública e distribución). Foi autorizado para isto en 1988 polo  Ministerio de Cultura, ao amparo da Lei de Propiedade Intelectual.

A mision de CEDRO é representar e defender os lexítimos intereses de autores e editores de libros e publicacións periódicas, facilitando e promovendo o uso legal das súas obras.

As principais funcións e servizos de CEDRO son:

• o reparto entre autores e editores dos dereitos económicos que lles corresponden pola utilización das súas obras, (máis información)
• a función social: o desenvolvemento de actividades e servizos de formación, promoción e asistencia para autores e editores, (máis información)
• a xestión colectiva do dereito de remuneración pola copia privada, (máis información)
• a concesión de autorizacións ou licencias para a utilización das obras do seu repertorio, (máis información)
• a defensa dos intereses dos seus socios diante dos tribunais de xustiza e outras institucións nacionais e internacionais, (máis información)
• a difusión e a concienciación social acerca dos principios do Dereito de Autor. (Máis información)

Ademais, CEDRO ofrece o servizo de localización de titulares de dereitos de autor (escritores, tradutores e editoriais) aos usuarios que solicíteno con fins distintas (máis información)

CEDRO xestiona colectivamente os dereitos dos seus socios noutros países e forma parte da Federación Internacional de Entidades de Xestión de Dereitos de Reprodución (International Federation of Reproduction Rights Organizations, IFRRO). (Máis información)