CEDRO autoriza reproducir e utilizar as obras que integran o seu repertorio mediante as licencias. Estas autorizacións, que se outorgan por mandato dos autores e editores socios desta Entidade e polo mandato outorgado polos socios daquelas entidades estranxeiras coas que existen convenios de representación recíproca, poden ser xerais e puntuais.

As licencias concédense baixo unha serie de condicións e límites e a cambio dunha remuneración económica, que se calcula a partir dunhas tarifas xerais presentadas cada ano por CEDRO ao Ministerio de Cultura.

A lexislación vixente establece, como principio xeral, que non se pode reproducir unha obra protexida polo dereito de autor sen a autorización previa do seu autor, salvo nos casos previstos pola lei (límites aos dereitos de autor).

En xeral, requírese a licencia de CEDRO cando a copia se efectúa en establecementos dedicados a realizar reproducións para o público, ou que teñen á disposición do público os equipos, os aparatos e os materiais para levalas a cabo. Tamén fai falta a licencia cando a copia é obxecto de utilización colectiva, ou se se distribúe mediante prezo.

Entre as institucións e os establecementos aos que se dirixen as licencias de CEDRO encóntranse:

• copisterías,
• universidades,
• centros de ensino,
• centros de ensino musical,
• bibliotecas,
• empresas,
• centros de documentación,
• organismos da Administración pública e
• outras institucións.